јуни 12, 2015

Иницијатива за формирање на клуб 25 во ООЦК Битола

klub25_Bitola

На 10 јуни 2015 година во Општинската организација на Црвен крст Битола се одржа работен состанок со клубот на млади при ООЦК Битола на кој присуствуваа 20-тина млади. Состанокот го отвори претседателката на ООЦК Битола д-р Диана Димитрова, за крводарителството и младите зборуваше Глигор Новачевски од Црвениот крст на Република Македонија, Александра Валкановска координаторот на млади и крводарителство во Црвениот крст на град Скопје во својата презентација ги запозна присутните за Клуб 25 во светот и во Македонија, а Александра Трендевска лидер на Клубот 25 од Скопје ги пренесе нивните искуства и активности. На состанокот беа презентирани промотивно-издавачки материјали, видео спотови и клипови за спроведени кампањи со младите од Клубот 25 во изминатите години.

Состанокот помина во одлична атмосфера, имаше голем интерес од страна на младите кои поставуваа прашања и беа заинтересирани за формирање на Клуб 25 во ООЦК Битола.

Еден од заклучоците е да се вклучат младите од Битола на семинарот кој ќе се одржи во периодот од 04-06 септември 2015 година во Струга.

< врати се назад