Хуманитарната помош за завеаните села во Крива Палланка

Црвениот крст на Република Македонија во рамките на ДРЕФ операцијата за справување со последиците од студениот бран кој ја зафати нашата држава, дистрибуираше хуманитарна помош до погодените семејства во општина Крива Паланка и околината.

Хуманитарната помош од ДРЕФ Операцијата и останати донатори се состоеше од семејни пакети со храна, семејни пакети со хигиена, ќебиња, јакни и сетови со капи, ракавици и шалови. Дистрибуцијата ја спроведоа тимови на Црвениот крст на Република Македонија и Црвен крст на Република Македонија- Општинска организација Крива Паланка во соработка со локалните институции. Активностите и дистрибуцијата на хуманитарната помош продолжува.