16 vite së bashku për një shoqëri më humane dhe gjithëpërfshirëse

Për 16 vite me radhë, Kryqi i Kuq i Republikës së Maqedonisë së Veriut, me mbështetjen e Komercijalna Banka SHK Shkup, realizon projektin „Përmirësimi i socializimit të fëmijëve dhe të rinjve me aftësi të kufizuara“.

Në kuadër të projektit, gjatë periudhës mars–qershor 2026, u realizuan aktivitete të ndryshme kreative, edukative, sportive dhe sociale në Shkup, Prilep, Kavadar, Veles, Dellçevë, Kërçovë, Gostivar dhe Dibër. Fëmijët dhe të rinjtë, së bashku me vullnetarët e Kryqit të Kuq, morën pjesë në punëtori, aktivitete shoqëruese, ekskursione, aktivitete sportive dhe rekreative, si dhe në aktivitete të orientuara drejt zhvillimit të aftësive dhe pavarësisë së tyre.

Përmes këtij partneriteti shumëvjeçar krijohen mundësi për socializim, shoqërim, zhvillim të aftësive dhe përfshirje më të madhe në komunitet, duke kontribuar në ndërtimin e një shoqërie më humane dhe gjithëpërfshirëse.