Të nderuar,

Me pikëllim të madh sot u tronditëm nga lajmi për tragjedinë e tmerrshme që ndodhi në Koçan dhe mori jetë të shumë të rinjve. Shprehim ngushëllimet tona të thella, mbështetjen dhe solidaritetin për familjet e viktimave të tragjedisë në Koçan. Të lënduarve u urojmë shërim të shpejtë, forcë dhe guxim për të kaluar këto momente të vështira.

Në momentet e pikëllimit, na mbetet të gjithëve të qëndrojmë solidarë dhe të vazhdojmë të japim mbështetjen e nevojshme për të gjitha familjet e prekura nga kjo ngjarje tragjike. Kryqi i Kuq, në kuadër të kompetencave dhe kapaciteteve të veta, është së bashku me familjet e viktimave dhe po ofron lloje të ndryshme të mbështetjes në Koçan dhe qytete të tjera ku të lënduarit janë duke u akomoduar në spitale.

Duke shprehur ngushëllimet tona për familjet e viktimave dhe të lënduarve, ju njoftojmë se Kryqi i Kuq i Republikës së Maqedonisë ka marrë vendim që Akademia Ceremoniale me rastin e 80 vjetorit të themelimit të Kryqit të Kuq të Republikës së Maqedonisë, e cila do të mbahej më 18 mars 2025 nën mbështetjen e Kryetares së Republikës së Maqedonisë Veriut Gordana Siljanovska Davkova do të anulohet për një periudhë të pacaktuar.

Na mbetet të gjithë të jemi të bashkuar dhe solidarë në këto momente dhimbjeje dhe të vazhdojmë të japim mbështetjen e nevojshme për qytetarët e vendit tonë.

 

Me respekt,

Kryqi i Kuq i RMV