170 projekte të vogla PHV

Rezultate të shkëlqyera edhe këtë vit në programin PHV – program për rekrutimin dhe mbajtjen e vullnetarëve në radhët e Kryqit të Kuq. 1200 të rinj të moshës nga 13 deri në 17 vjeç, të udhëhequr nga 40 diseminues nga 33 zyra lokale të Kryqit të Kuq, të mentoruar nga 10 mentorë, realizuan 170 projekte të vogla të JASHTËZAKONSHME për të mirën e komunitetit.

Ata morën trajnim, krijuan ekipe të vogla, bënë vlerësime të nevojave dhe realizuan aktivitete si gara sportive, gara me biçikleta, aksione grumbullimi, shfaqje teatrale, përmes të cilave mblodhën mjete për realizimin e projekteve për ndihmë ndaj personave në rrezik, projekte ekologjike dhe ndërkulturore.

Të rinj të zellshëm, shembuj pozitivë, nxitës të ndryshimeve në komunitetin tonë. Të rinj që dolën nga zona e tyre e rehatisë dhe treguan se kanë kapacitet për ta bërë botën tonë një vend më të mirë për të jetuar.

Ekipi i instruktorëve të PHV-së këtë fundjavë do të shkojë në një punëtori përgatitore ku projektet e vogla do të vlerësohen, respektohen dhe shpërblehen!