DELEGACIONI I KRYQIT TË KUQ NË VIZITË TEK KRYETARI I KUVENDIT, AFRIM GASHI

Delegacioni i Kryqit të Kuq të Republikës së Maqedonisë së Veriut, i kryesuar nga kryetari dhe sekretari i përgjithshëm i Kryqit të Kuq të RMV-së, si dhe përfaqësues të shoqatave kombëtare të Kryqit të Kuq, më 19 maj 2025 realizoi një vizitë zyrtare tek Kryetari i Kuvendit të Republikës së Maqedonisë së Veriut, z. Afrim Gashi.

Gjatë takimit u diskutua për misionin humanitar dhe aktivitetet e Kryqit të Kuq në vend, si dhe për mundësitë për avancimin e bashkëpunimit ndërmjet dy institucioneve. Theks i veçantë iu kushtua rolit të Kryqit të Kuq në mbështetjen e kategorive të cenueshme të qytetarëve, si dhe rëndësisë së vullnetarizmit dhe angazhimit të të rinjve.

Kryetari Gashi theksoi rëndësinë e punës së Kryqit të Kuq dhe shprehu mbështetjen e tij për një bashkëpunim të mëtejshëm institucional në frymën e solidaritetit, të drejtave të njeriut dhe humanizmit.

Vizita shënon një nxitje për thellimin e partneritetit ndërmjet Kryqit të Kuq dhe Kuvendit, në drejtim të ndërtimit të një shoqërie më të fortë dhe më solidare.