Mirënjohje jubiliare për kryetarët e komunave të Kavadarit dhe Rosomanit nga Kryqi i Kuq

Me rastin e 80-vjetorit të themelimit të Kryqit të Kuq të Republikës së Maqedonisë së Veriut, më 3 qershor 2025 në Kavadar u mbajt një ngjarje solemne kushtuar humanizmit, solidaritetit dhe përgjegjësisë shoqërore.

Ngjarja ishte një mundësi për të shprehur mirënjohje për të gjithë ata që për vite me radhë e kanë mbështetur në mënyrë të paepur misionin e Kryqit të Kuq. Ndër ta, me mirënjohje jubiliare u nderuan kryetarët e komunave të Kavadarit dhe Rosomanit – Mitko Jançev dhe Stojan Nikollov – për kontributin dhe bashkëpunimin e vazhdueshëm me këtë organizatë humanitare.

Ngjarjen e hapi sekretari i përgjithshëm i Kryqit të Kuq të Republikës së Maqedonisë së Veriut, d-r Sait Saiti, i cili theksoi rolin kyç të vetëqeverisjes lokale në zhvillimin dhe mbështetjen e aktiviteteve humanitare. Ai veçoi bashkëpunimin e suksesshëm me komunat e Kavadarit dhe Rosomanit, si shembull i pjesëmarrjes aktive dhe të përgjegjshme në komunitet.

Ngjarja u pasurua me praninë e vullnetarëve, përfaqësuesve të institucioneve dhe qytetarëve, të cilët edhe një herë konfirmuan rëndësinë e bashkëpunimit dhe solidaritetit për ndërtimin e një shoqërie më të mirë.