Ministri i shëndetësisë, Azir Aliu, në vizitë zyrtare në Kryqin e Kuq të RMV-së

Më 24 qershor 2025, ministri i shëndetësisë, Azir Aliu, realizoi një vizitë zyrtare në selinë e Kryqit të Kuq të Republikës së Maqedonisë së Veriut, ku u prit ngrohtësisht nga sekretari i përgjithshëm, Sait Saiti.

Gjatë takimit u diskutuan aspektet aktuale dhe të ardhshme të bashkëpunimit ndërmjet Ministrisë së shëndetësisë dhe Kryqit të Kuq, me theks të veçantë në forcimin e partneritetit në fushën e shëndetit publik, avancimin e programeve preventive shëndetësore, përmirësimin e mekanizmave të reagimit në situata emergjente, si dhe mbështetjen e kategorive më të ndjeshme të popullsisë.

Me rastin e shënimit të jubileut të të organizatës, sekretari i përgjithshëm, Sait Saiti, në shenjë mirënjohjeje për mbështetjen institucionale të vazhdueshme dhe bashkëpunimin e suksesshëm, i dorëzoi Ministrisë së shëndetësisë një pllaketë jubilare. Kjo mirënjohje u pranua me falënderim nga ana e ministrit Aliu, i cili theksoi rëndësinë e sinergjisë midis kapaciteteve institucionale dhe humanitare në përmirësimin e sistemit shëndetësor në vend.

Të dyja palët konfirmuan përkushtimin për thellimin e mëtejmë të bashkëpunimit përmes projekteve dhe aktiviteteve të përbashkëta të orientuara drejt mbrojtjes dhe avancimit të shëndetit publik dhe mirëqenies së qytetarëve.