Përmirësimi i socializimit të fëmijëve dhe të rinjve me aftësi të kufizuara

Kryqi i Kuq i Republikës së Maqedonisë së Veriut, me mbështetjen e Komercijalna Banka SHA Shkup, që nga viti 2011 në mënyrë të vazhdueshme zbaton projektin “Përmirësimi i socializimit të fëmijëve dhe të rinjve me aftësi të kufizuara”.

Aktivitetet janë të orientuara drejt mbështetjes së fëmijëve dhe të rinjve me aftësi të kufizuara të përfshirë në qendrat ditore, si dhe fëmijëve të vendosur në familje kujdestare, dhe të njëjtat realizohen përmes Kryqit të Kuq të qytetit të Shkupit dhe organizatave komunale të Kryqit të Kuq në Prilep, Kavadarci, Veles, Dellçevë, Kërçovë, Gostivar dhe Dibër.

Edhe në vitin 2026 vazhdon bashkëpunimi ndërmjet Kryqit të Kuq dhe Komercijalna Banka, me qëllim të avancimit dhe zgjerimit të aktiviteteve për socializimin dhe përfshirjen e fëmijëve dhe të rinjve me aftësi të kufizuara.

Në kuadër të projektit realizohen punëtori kreative, edukative dhe rekreative, mbështetje psikosociale, si dhe aktivitete që nxisin zhvillimin e aftësive sociale, vetëbesimin dhe pjesëmarrjen aktive në komunitet.