Vizita e Kryeministrit Hristijan Mickoski në Kryqin e Kuq të RMV-së

Më 10 korrik 2025, Kryeministri i Republikës së Maqedonisë së Veriut, Hristijan Mickoski, vizitoi Kryqin e Kuq të Republikës së Maqedonisë së Veriut me rastin e 80-vjetorit të themelimit të organizatës.

Në fokus të bisedës ishte roli i Kryqit të Kuq në përmirësimin e humanizmit dhe solidaritetit, si dhe prezantimi i raportit revizor për gjendjen e hyrjeve dhe daljeve në llogarinë – Fondi i Solidaritetit, për periudhën nga 16.03.2025 deri më 09.07.2025, lidhur me ngjarjen që ndodhi në klubin e natës “Pulse” në Koçan më 16.03.2025.

U theksua veçanërisht përgjigjja humanitare e fundit pas zjarrit që goditi Koçanin dhe rrethinën. Kryeministri Mickoski shprehu falënderim për punën e të gjithë të angazhuarve në këto aktivitete, si dhe mbështetje për forcimin e mëtejshëm të kapaciteteve për përgjigje humanitare dhe përforcimin e bashkëpunimit mes institucioneve dhe Kryqit të Kuq.

Në shenjë falënderimi për mbështetjen dhe afirmimin e vlerave humane, Sekretari i Përgjithshëm Sait Saiti i dorëzoi Kryeministrit të RMV-së, Hristijan Mickoski, një mirënjohje – medalje nga Kryqi i Kuq i Republikës së Maqedonisë së Veriut, si simbol i falënderimit për përpjekjet e tij në mbështetje të misionit humanitar të organizatës.

Kryeministri, Hristijan Mickoski, sot u bë anëtar zyrtar i Kryqit të Kuq, gjithashtu nënshkroi formularin e anëtarësimit dhe pagoi anëtarësinë vjetore, duke plotësuar të gjitha kushtet për anëtarësim aktiv.