Pranim për vullnetarët

Sot, në hapësirat e Kryqit të Kuq të Republikës së Maqedonisë së Veriut (KKRMV), u realizua një pranim për vullnetarët e angazhuar në përgatitjen dhe shfaqjen skenike të performancës teatrore në kuadër të Akademisë Solemne të mbajtur me rastin e 80-vjetorit të themelimit të Kryqit të Kuq të RMV-së. Vullnetarët e rinj vijnë nga organizatat komunale të Kryqit të Kuq të Shkupit dhe Kryqi i Kuq i qytetit të Shkupit dhe janë të përfshirë aktivisht në organizatë përmes klubeve rinore.

Në takimin me Sekretarin e Përgjithshëm të Kryqit të Kuq të RMV-së, vullnetarët ndanë përshtypjet dhe impresionet e tyre nga pjesëmarrja në këtë aktivitet, përvojat e fituara si dhe gjërat e mësuara. U diskutuan hapur iniciativat rinore të Kryqit të Kuq në të cilat janë të përfshirë, puna e klubeve rinore, mundësitë për vullnetarizëm si dhe perspektivat e ardhshme për punën me të rinjtë.

Në përfundim të takimit, të gjithë u shpërblyen me Mirënjohje, si shenjë falënderimi për mbështetjen që të rinjtë e dhanë për këtë përvjetor të rëndësishëm për Shoqatën Kombëtare, si dhe për të nderuar angazhimin e tyre vullnetar dhe kontributin që japin.