Pjesëmarrja në shpërndarjen e ndihmës humanitare nga Ambasadori i Republikës së Turqisë dhe Sekretari i Përgjithshëm i Kryqit të Kuq të RMV

Pas pranimit të ndihmës humanitare nga Gjysmëhëna e Kuqe Turke, Kryqi i Kuq i RMV-së realizoi shpërndarjen e ndihmës për grupet e cenueshme të popullsisë në Shkup, Gostivar, Kumanovë, Manastir, Veles, Kriva Pallankë, Strumicë dhe Gjevgjeli. Ndihma përfshin rroba, këpucë dhe complete qarqafësh me një vlerë të përgjithshme prej 143.000 dollarësh.

Në shpërndarjen e ndihmës për popullsinë e cenueshme në fshatrat Baldovci dhe Bansko, të realizuar më 28 prill 2025 përmes organizatës komunale të Kryqit të Kuq në Strumicë, morën pjesë Ambasadori i Republikës së Turqisë, Sh.T. Fatih Ulusoy dhe Sekretari i Përgjithshëm i Kryqit të Kuq të RMV-së, d-r Sait Saiti.

Ambasadori vizitoi gjithashtu organizatën komunale të Kryqit të Kuq në Strumicë, ku u informua për aktivitetet që implementon organizata duke përfshirë grupe të ndryshme të synuara të popullsisë në komunitet. Gjatë takimit, Sekretari i Përgjithshëm i Kryqit të Kuq shprehu edhe një herë mirënjohjen e madhe për donacionin e pranuar, i cili është i domosdoshëm për të ndihmuar familjet në rrezik social.