Takim pune me përfaqësues nga NATO dhe QMK

Më 09.05.2025, Kryqi i Kuq i Republikës së Maqedonisë së Veriut u vizitua nga Drejtoresha e NATO EADRCC, znj. Catherine Van Hame, dhe përfaqësuesit nga Qendra për Menaxhim me Kriza, z. Urim Vejseli dhe Igor Karanfilovski, të cilët realizuan një takim me Sekretarin e Përgjithshëm të Kryqit të Kuq të RMV-së, d-r Sait Saiti. Gjatë takimit u diskutua për përgatitjet për pjesëmarrjen e Kryqit të Kuq të RMV-së në një ushtrim që do të organizohet nga NATO në shtator të këtij viti në Republikën e Bullgarisë. Në prag të ushtrimit parashihen takime përgatitore për të përcaktuar skenarin dhe rolet e ekipeve nga Maqedonia e Veriut, përfshirë edhe ekipin e Kryqit të Kuq të RMV-së, si dhe pjesëmarrjen e vlerësuesve dhe koordinatorëve për ushtrimin.