Saiti u takua me Presidenten e FNKK/GJK, Kate Forbes

Sot në Zagreb, Sekretari i Përgjithshëm i Kryqit të Kuq të RMV-së, d-r Sait Saiti, zhvilloi një takim me Presidenten e Federatës Ndërkombëtare të Kryqit të Kuq dhe Gjysmëhënës së Kuqe, Kate Forbes.

Në takim u diskutua për bashkëpunimin e deritanishëm të suksesshëm, si dhe për planet dhe mundësitë e ardhshme për avancimin e mëtejshëm të partneritetit. Të dy bashkëbiseduesit konfirmuan përkushtimin për veprim të përbashkët në drejtim të forcimit të aktiviteteve humanitare dhe mbështetjes së komuniteteve.

Presidentja Forbes theksoi rolin e rëndësishëm të Kryqit të Kuq të RMV-së në kuadër të Lëvizjes, duke vënë në pah kontributin e tij si një shoqatë kombëtare e vogël, por mirë e organizuar, e cila u përgjigjet me sukses sfidave humanitare.

Njëkohësisht, me ftesë të d-r Saiti, Presidentja Forbes paralajmëroi një vizitë të ardhshme në Kryqin e Kuq të RMV-së, me qëllim forcimin e mëtejshëm të bashkëpunimit dhe mbështetjes së aktiviteteve të shoqatës kombëtare.

Bashkëpunimi me Federatën Ndërkombëtare të Kryqit të Kuq dhe Gjysmëhënës së Kuqe paraqet një shtyllë të rëndësishme në zhvillimin e kapaciteteve të Kryqit të Kuq të RMV-së dhe avancimin e misionit për ndihmë ndaj kategorive më të cenueshme të qytetarëve.