Takimi i Saitit me Ambasadorën e Greqisë në RMV

Sekretari i Përgjithshëm i Kryqit të Kuq të Republikës së Maqedonisë së Vëriut, d-r Sait Saiti, sot realizoi një takim me Ambasadoren e Republikës së Greqisë në vend, SH.S. Sophia Philippidou. Takimi u mbajt në hapsirat e Kryqit të Kuq me rastin e shënimit të jubileut të Kryqit të Kuq.

Gjatë takimit u diskutua për aktivitetet e Kryqit të Kuq të RMV-së, dhe me këtë rast d-r Saiti e informoi Ambasadorën se së fundmi është nënshkruar një Memorandum bashkëpunimi me Kryqin e Kuq Grek, që përbën një hap të rëndësishëm drejt institucionalizimit të partneritetit dhe realizimit të aktiviteteve konkrete me interes të përbashkët.

Ambasadorja Philippidou shprehu urime të sinqerta me rastin e jubileut të Kryqit të Kuq, duke shprehur respekt për punën e gjatë humanitare dhe përkushtimin e organizatës.