Pjesëmarrje në takimin rinor në Solferino, Itali

Dy përfaqësues të të rinjve nga Kryqi i Kuq i Republikës së Maqedonisë së Veriut morën pjesë në Takimin e Dytë të Liderëve të Rinj të Rrjetit Rinor të Evropës dhe Azisë Qendrore të Kryqit të Kuq dhe Gjysmëhënës së Kuqe, i cili u mbajt në Solferino, Itali, nga 24 deri më 28 qershor.

Takimi mblodhi liderë të rinj nga shoqatat kombëtare të Kryqit të Kuq dhe Gjysmëhënës së Kuqe nga Evropa dhe Azia Qendrore, me qëllim shkëmbimin e përvojave, forcimin e pjesëmarrjes së të rinjve në proceset e vendimmarrjes dhe përgatitjen për takimet e ardhshme statutore të Lëvizjes.

Përmes punëtorive, sesioneve tematike dhe diskutimeve, përfaqësuesit tanë kontribuan në mënyrë aktive në bisedimet mbi politikat rinore në Lëvizjen e Kryqit të Kuq dhe Gjysmëhënës së Kuqe, ndryshimet klimatike, shëndetin mendor, diplomacinë humanitare dhe fuqizimin e lidershipit rinor.

Në kuadër të ngjarjes, ata morën pjesë edhe në Fiaccolata – procesioni tradicional me pishtarë nëpër Solferino, me të cilin çdo vit nderohen viktimat e Betejës së Solferinos dhe shënohet lindja e idesë së Lëvizjes Ndërkombëtare të Kryqit të Kuq dhe Gjysmëhënës së Kuqe. Ky aktivitet simbolik bashkon mijëra vullnetarë dhe anëtarë nga e gjithë bota në frymën e humanizmit, solidaritetit dhe vullnetarizmit.