Hapje solemne e ambienteve të reja në Strugë

Sot, në Kryqin e Kuq të RMV-së – Organizata Komunale Strugë, u bë hapja solemne e ambienteve të reja, me ç’rast organizata fitoi një hapësirë moderne dhe funksionale për aktivitetet dhe projektet e saj të orientuara drejt të rinjve.

Në këtë ngjarje morën pjesë shumë mysafirë dhe bashkëpunëtorë, ndër të cilët edhe Sekretari i Përgjithshëm i KKRSM-së, d-r Sait Saiti, si dhe kryetari i komunës së Strugës, Mendi Qyra. Në fjalimet e tyre ata theksuan rëndësinë e investimit në sektorin rinor dhe mbështetjen e iniciativave që kontribuojnë në zhvillimin e komunitetit.

Sekretari i Përgjithshëm Saiti mbajti një fjalim para të pranishmëve, ku theksoi rolin e të rinjve si bartës të ndryshimeve pozitive dhe përshëndeti përkushtimin e organizatës lokale.

Nga ana e OKK Strugë, Saitit iu nda një mirënjohje për kontributin e tij të pakursyer dhe mbështetjen e vazhdueshme në avancimin e aktiviteteve humanitare dhe zhvillimin e organizatës.

Hapja e ambienteve të reja përfaqëson një hap të rëndësishëm përpara për OKKK Strugë, duke mundësuar kushte më të mira për punë, edukim dhe realizimin e projekteve të ardhshme në dobi të qytetarëve.