Kryqi i Kuq mori pllaketë nga MPB me rastin e Ditës së policisë

Me rastin e shënimit të Ditës së policisë, Kryqi i Kuq i Republikës së Maqedonisë së Veriut mori pllaketë nga Ministria e Punëve të Brendshme, si mirënjohje për bashkëpunimin e suksesshëm afatgjatë, mbështetjen dhe kontributin në avancimin e sigurisë dhe humanitetit në komunitet.

Çmimin e pranoi sekretari i përgjithshëm i Kryqit të Kuq të Republikës së Maqedonisë së Veriut, d-r Sait Saiti.

Kjo mirënjohje paraqet konfirmim të përkushtimit të Kryqit të Kuq në sigurimin e ndihmës humanitare, mbështetjes gjatë situatave të krizës dhe bashkëpunimit të vazhdueshëm me institucionet në interes të komunitetit.