10 Tetor – Dita Botërore e Shëndetit Mendor

Në kohë krizash, katastrofash dhe pasigurie, kujdesi për shëndetin mendor është po aq i rëndësishëm sa edhe kujdesi për shëndetin fizik. Krizat lënë gjurmë – prandaj është me rëndësi të flasim, të dëgjojmë dhe të jemi mbështetje për njëri-tjetrin.

Kryqi i Kuq punon vazhdimisht në promovimin e mbështetjes psikologjike dhe mirëqenies mendore, sidomos në momente kur më së shumti na nevojiten forca, mirëkuptim dhe ngrohtësi njerëzore.

Në kuadër të shënimit të Ditës Botërore të Shëndetit Mendor, Organizatat komunale të Kryqit të Kuq dhe KKSH-së do të organizojnë punëtori me temë: “Rëndësia e shëndetit mendor në situata krize” për grupe të ndryshme target.