Dita Ndërkombëtare e Personave të Moshuar

Kryqi i Kuq i Republikës së Maqedonisë së Veriut edhe këtë vit përfshihet në shënimin e 1 Tetorit – Ditës Ndërkombëtare të Personave të Moshuar, e cila është caktuar nga Asambleja e Përgjithshme e Kombeve të Bashkuara më 14 dhjetor 1990. Qëllimi i kësaj dite ndërkombëtare është të rrisë ndërgjegjësimin publik për plakjen e popullsisë dhe të inkurajojë shoqëritë të zhvillojnë sisteme që i mbështesin personat e moshuar për një jetë të përmbushur dhe aktive. Tema e këtij viti është: “Avokim për plakje të shëndetshme dhe gjithëpërfshirëse.”

Këto qëllime globale janë pjesë e politikave të shtetit tonë, të cilat janë në përputhje edhe me Planin Ndërkombëtar të Veprimit për Plakjen të Madridit. Kryqi i Kuq i RMV-së merr pjesë aktive dhe jep kontribut në përpjekjet e përgjithshme që ndërmarrin institucionet kompetente për realizimin e të drejtave, kujdesit të nevojshëm dhe mbrojtjes së personave të moshuar në vend.

Me këtë rast, për shënimin e 1 Tetorit, Kryqi i Kuq i qytetit të Shkupit dhe organizatat komunale të Kryqit të Kuq do të organizojnë aktivitete të lidhura me qëllimet globale, siç janë: punëtori informuese për të drejtat e personave të moshuar, sesione edukative për tema me interes për ta, punëtori kreative dhe shoqërim me personat e moshuar, si dhe aktivitete të tjera me qëllim rritjen e ndërgjegjësimit për rëndësinë e plakjes.