Java e promovimit të vlerave humane

Çdo vit, në periudhën nga 21 deri më 27 shtator, përmes Javës së PHV-së përcillet një mesazh për përmirësimin e përfshirjes sociale, promovimin e kulturës së jodhunës dhe ndërtimin e paqes, në përputhje me Strategjinë 2030 të Kryqit të Kuq të Republikës së Maqedonisë së Veriut.

Këtë vit, në çdo organizatë komunale të Kryqit të Kuq do të organizohet një ngjarje solemne, ku do të ndahen mirënjohje për të rinjtë vullnetarë që realizuan projekte të vogla PHV dhe në këtë mënyrë u bënë shembuj pozitivë në komunitet. Mirënjohje do t’u ndahen edhe partnerëve dhe mbështetësve tanë, të cilët me bashkëpunimin e tyre mundësojnë ndikim dhe sukses më të madh të aktiviteteve.

Në këto ngjarje do të shfaqen edhe video të shkurtra të PHV-së, me qëllim që publiku të njihet me rezultatet e arritura dhe angazhimin e të rinjve vullnetarë.