Kryqi i Kuq i RMV-së me një donacion prej 22.000 euro për përmirësimin e kushteve në Klinikën e Traumatologjisë

Kryqi i Kuq i Republikës së Maqedonisë së Veriut dhuroi 22.000 euro për të mbështetur blerjen e pajisjeve për Klinikën e Traumatologjisë në Shkup.

Ky donacion, i cili përfshin shtretër spitalorë, pajisje klimatike, dollapë të vegjël, karroca invalidi, korse, qëndrues për infuzion, çarçafë, batanije dhe pajisje të tjera të nevojshme mjekësore dhe spitalore, mundëson përmirësime të rëndësishme të kushteve për trajtim dhe qëndrim në këtë institucion. Nga ky donacion do të përfitojnë si pacientët, ashtu edhe stafi mjekësor, i cili kujdeset çdo ditë për personat më rëndë të lënduar dhe të sëmurë.

Kryqi i Kuq i RMV-së mbetet i përkushtuar ndaj misionit të tij humanitar – të jetë aty ku nevoja është më e madhe, përmes mbështetjes së vazhdueshme dhe konkrete për institucionet shëndetësore, kategoritë e cenueshme të qytetarëve dhe të gjithë ata që kanë nevojë për ndihmë.