Sekretari i Përgjithshëm i Kryqit të Kuq, Saiti, në vizitë në OKKK Manastir

Sot, Sekretari i Përgjithshëm i Kryqit të Kuq të RMV-së, Sait Saiti, e vizitoi Organizatën Komunale të Kryqit të Kuq në Manastir. Vizita u realizua në një periudhë kur organizata po zbaton aktivitete për rindërtimin e hapësirës, me qëllim të përshtatjes së saj për zhvillimin e shërbimeve të reja sociale në komunitet.

Rindërtimi ka për qëllim krijimin e një Qendre për qëndrim ditor për persona të moshuar, si dhe ofrimin e shërbimeve si ndihmë dhe përkujdesje në shtëpi, asistencë personale për persona me aftësi të kufizuara dhe butoni emergjent.

Butoni emergjent është një shërbim i dedikuar për personat mbi 65 vjeç që jetojnë vetëm, përfitues të shërbimit “Ndihmë dhe përkujdesje në shtëpi” dhe për persona të dobët fizikisht që jetojnë vetëm dhe janë përfitues të shërbimit “Qendër ditore për të moshuar”.

Gjatë vizitës, Sekretari i Përgjithshëm i Kryqit të Kuq të RMV-së Saiti u informua nga ana e kryetares së OKKK Manastir, Liljana Ristevska, për aktivitetet që po i realizon organizata, si dhe për sfidat dhe planet për zhvillim të mëtejshëm.