Takim Rajonal me rastin e 10-vjetorit të ekzistencës së platformës RIC/RFL

Kryqi i Kuq i Republikës së Greqisë ishte mikpritës i takimit rajonal me rastin e shënimit të 10-vjetorit të ekzistencës së Platformës Rajonale Informative për Ribashkimin e Familjeve (RIC/RFL), e cila vepron në kuadër të Shërbimit të Kërkimit në çdo shoqatë kombëtare të Kryqit të Kuq.

Ngjarja u mbajt në Athinë në periudhën 20–23 tetor 2025, dhe bashkorganizator ishte Komiteti Ndërkombëtar i Kryqit të Kuq (ICRC).

Në këtë ngjarje morën pjesë Sekretarët e Përgjithshëm të shoqatave kombëtare të Kryqit të Kuq nga rajoni, ndër ta edhe Sekretari i Përgjithshëm i Kryqit të Kuq të Republikës së Maqedonisë së Veriut, d-r Sait Saiti, si dhe përfaqësuesit e Shërbimit të Kërkimit / Rivendosjes së Lidhjeve Familjare pranë shoqatave kombëtare të Kryqit të Kuq nga Greqia, Maqedonia e Veriut, Serbia, Mali i Zi, Bosnja dhe Hercegovina, Kroacia, Sllovenia, Bullgaria dhe Shqipëria.

Presidenti i Kryqit të Kuq të Republikës së Greqisë, z. Antonios Avgerinos, hapi solemnisht këtë ngjarje, duke theksuar historinë e gjatë dhe të lavdishme të Shërbimit të Kërkimit.
Fjalë përshëndetëse mbajti edhe znj. Jelena Stijacic, shefe e Delegacionit Rajonal të ICRC në Beograd.

Tema kryesore e këtij takimi ishte diskutimi mbi zbatimin e Strategjisë RFL të Lëvizjes Ndërkombëtare të Kryqit të Kuq dhe Gjysmëhënës së Kuqe për periudhën 2025–2030, si dhe sfidat migratore në rajon dhe realizimi i objektivave të përbashkëta të përcaktuara. Theksi u vu në forcimin e bashkëpunimit ndërkufitar, mbrojtjen e të dhënave personale dhe adoptimin e praktikave të qëndrueshme humanitare me qëllim përmirësimin e efikasitetit të Shërbimit të Kërkimit.

Duke bashkëpunuar me njëri-tjetrin, ne vazhdojmë të ndërtojmë ura solidariteti dhe shprese, sepse çdo familje meriton të ribashkohet.