U ndan mirënjohje jubileu

Kryqi i Kuq i Republikës së Maqedonisë së Veriut sot, më 28 tetor 2025, ndau mirënjohje jubileu për 20 Organizata Komunale të Kryqit të Kuq, të cilat e realizuan dhe e tejkaluan planin vjetor për dhurimin e gjakut për vitin 2024.

Organizatat komunale të Kryqit të Kuq, përmes aksioneve të rregullta dhe shtesë për dhurimin e gjakut, mbështetën në mënyrë aktive sistemin shëndetësor dhe kontribuuan në forcimin e vetëdijes për humanizëm dhe solidaritet në komunitet. Me përkushtimin e tyre dhe me aktivitetet shtesë për avancimin e dhurimit të gjakut, ato arritën rezultate të shkëlqyera dhe vendosën një shembull të lartë për të tjerët.

Në ceremoninë që u mbajt në hapësirat e Kryqit të Kuq të Republikës së Maqedonisë së Veriut morën pjesë sekretarë dhe përfaqësues nga organizatat komunale të nderuara. Në kuadër të ngjarjes u zhvillua edhe një diskutim me temën: “Mundësitë për përmirësimin e dhurimit të gjakut”, ku pjesëmarrësit shkëmbyen përvoja dhe ide për zhvillimin e aktiviteteve të ardhshme.

Kryqi i Kuq vazhdon të promovojë dhurimin e gjakut si një akt human, solidar dhe i mirësi, me qëllim që çdo ditë të inkurajohen qytetarët të dhurojnë jetë përmes gjakut të tyre.