Mbështetje në grup për ndihmësit dhe të punësuarit në Kryqin e Kuq me terapi artistike ekspresive

Në ambientet e Kryqit të Kuq të Republikës së Maqedonisë së Veriut u mbajt një sesion grupor për mbështetje të ndihmësve dhe të punësuarve përmes terapisë artistike ekspresive, në të cilin morën pjesë gjithsej 4 persona.

Pjesëmarrësit treguan interes për krijimin e një hapësire për zbatimin praktik të teknikave të ndryshme. Gjatë sesionit, ata ndanë përvoja pozitive nga ushtrimet e mëparshme, të cilat i zbatojnë në mënyrë të pavarur për t’u përballur me sfidat e përditshme. Në kuadër të sesionit u realizuan ushtrime me frymëmarrje dhe lëvizje të sinkronizuara me qëllim uljen e tensionit trupor, pas së cilës vijoi puna me vizatim përmes teknikës së artit ekspresiv, si një metodë për shprehje kreative dhe çlirim emocional.

Këto takime sjellin përfitime të rëndësishme për të punësuarit dhe vullnetarët, duke ofruar mbështetje psikologjike dhe duke nxitur zhvillimin personal. Njëkohësisht, ato kontribuojnë në përmirësimin e komunikimit dhe bashkëpunimit në ekip, forcojnë aftësinë për përballimin e stresit dhe ofrojnë mjete praktike për ruajtjen e balancës ndërmjet detyrimeve profesionale dhe atyre personale.