Kampi Kombëtar Rinor “100% Kryqi i Kuq”

Në periudhën 17–23 korrik 2026, në Kampin “Scout” – Strugë, Kryqi i Kuq i Republikës së Maqedonisë së Veriut realizoi Kampin Kombëtar Rinor “100% Kryqi i Kuq”, i dedikuar për forcimin e kapaciteteve të strukturave drejtuese të Klubeve të të Rinjve. 

 

Në kamp morën pjesë 54 të rinj nga 28 organizata komunale të Kryqit të Kuq dhe Kryqi i Kuq i qytetit të Shkupit, të cilët përmes punëtorive interaktive, ushtrimeve praktike dhe aktiviteteve ekipore zhvilluan aftësitë e tyre në udhëheqje, organizim dhe komunikim, si dhe zgjeruan njohuritë e tyre për funksionimin e organizatës. 

 

 

 

Kampi u hap solemnisht nga Kryetarja e Kryqit të Kuq të Republikës së Maqedonisë së Veriut, Dr. Liljana Ristevska, e cila theksoi rëndësinë e investimit në liderët e rinj. Në ceremoninë e mbylljes mori pjesë Sekretari i Përgjithshëm, Dr. Sait Saiti, i cili iu drejtua pjesëmarrësve dhe ndoqi prezantimet e planeve të veprimit të përgatitura gjatë kampit. 

 

Programi përfshiu tema nga fusha e lidershipit, vullnetarizmit, dhurimit të gjakut, shëndetit mendor, rekrutimit dhe motivimit të vullnetarëve, promovimit të aktiviteteve rinore dhe punës rinore në nivel lokal. Vëmendje e veçantë iu kushtua punës në ekip, rrjetëzimit dhe shkëmbimit të përvojave ndërmjet liderëve të rinj. 

 

Kampi Kombëtar Rinor “100% Kryqi i Kuq” përfaqëson një investim të rëndësishëm në zhvillimin e lidershipit rinor dhe vullnetarizmit, duke kontribuar në krijimin e një rrjeti rinor të motivuar dhe kompetent në kuadër të Kryqit të Kuq të Republikës së Maqedonisë së Veriut.