Përfaqësues të KKRMV morën pjesë në trajnim për analizën e rrezikut dhe skenarëve në Sarajevë

Në periudhën nga 9 deri më 11 qershor 2026, përfaqësues të Kryqit të Kuq të Republikës së Maqedonisë së Veriut morën pjesë në një trajnim treditor për analizën e rrezikut dhe skenarëve në Sarajevë, Bosnjë dhe Hercegovinë, të organizuar nga Federata Ndërkombëtare e Shoqatave të Kryqit të Kuq dhe Gjysmëhënës së Kuqe (IFRC), me mbështetjen e Kryqit të Kuq Zviceran.

Trajnimi ishte i fokusuar në forcimin e kapaciteteve për identifikimin dhe analizimin e rreziqeve, zhvillimin e skenarëve për situata të mundshme krize dhe përmirësimin e gatishmërisë për reagim humanitar. Përmes ushtrimeve praktike dhe punës në grup, pjesëmarrësit punuan në vlerësimin e rreziqeve, planifikimin e reagimit dhe identifikimin e faktorëve që mund të ndikojnë në nevojat humanitare.

Njohuritë dhe mjetet e fituara do të kontribuojnë në avancimin e mëtejshëm të planifikimit operacional dhe gatishmërisë së Kryqit të Kuq të Republikës së Maqedonisë së Veriut për veprim të shpejtë dhe efikas në situata të ndryshme krize. Njëkohësisht, punëtoria konfirmoi rëndësinë e bashkëpunimit rajonal dhe shkëmbimit të përvojave ndërmjet shoqatave kombëtare të Kryqit të Kuq në Ballkanin Perëndimor.