Pjesëmarrje në shënimin solemn të Jubileut – 150 vjet nga themelimi i Kryqit të Kuq të Serbisë

Më 06.02.2026, një delegacion i Kryqit të Kuq të Republikës së Maqedonisë së Veriut, i udhëhequr nga Sekretari i Përgjithshëm dr. Sait Saiti, realizoi një vizitë zyrtare dhe mori pjesë në shënimin solemn të jubileut – 150 vjet nga themelimi i Kryqit të Kuq të Serbisë. Me rastin e jubileut u organizua një Akademi Solemne, e cila mblodhi përfaqësues të lartë të shoqatave kombëtare të Kryqit të Kuq dhe Gjysmëhënës së Kuqe, institucione shtetërore, partnerë ndërkombëtarë dhe mysafirë të tjerë, të cilët së bashku i dhanë mirënjohje një shekulli e gjysmë pune të përkushtuar humanitare.

Pjesëmarrja në këtë ngjarje të rëndësishme jubileare përbënte një mundësi për konfirmimin e bashkëpunimit tradicionalisht të mirë ndërmjet Kryqit të Kuq të Republikës së Maqedonisë së Veriut dhe Kryqit të Kuq të Serbisë. Në kuadër të vizitës u realizuan edhe takime me udhëheqësinë e Kryqit të Kuq të Serbisë, si dhe me delegacione të tjera të pranishme nga shoqata të tjera kombëtare dhe Komiteti Ndërkombëtar i Kryqit të Kuq, gjatë të cilave u theksua gatishmëria për thellimin e mëtejshëm të bashkëpunimit në interes të mbrojtjes dhe avancimit të vlerave humane.