Mbështetje psiko-sociale për pacientët onkologjikë

Më 13 maj 2026, në hapësirat e Kryqit të Kuq të Republikës së Maqedonisë së Veriut u realizua një sesion grupor për mbështetje psiko-sociale për personat me sëmundje onkologjike. Në kuadër të aktivitetit morën pjesë gjithsej 3 persona, të cilët u përfshinë aktivisht në punëtorinë e udhëhequr nga një punonjës social. Përmes diskutimit të hapur, ndarjes së përvojave personale dhe mbështetjes reciproke, pjesëmarrësit punuan në avancimin e aftësive sociale, forcimin e ndjenjës së përkatësisë dhe tejkalimin e izolimit social.

Takime të tilla paraqesin një hapësirë të sigurt ku personat mund të ndajnë hapur ndjenjat, sfidat dhe përvojat e tyre, duke ditur se janë të rrethuar me mirëkuptim dhe mbështetje.

Mbështetja e vazhdueshme psiko-sociale ka rëndësi të veçantë për personat me sëmundje onkologjike, sepse krahas trajtimit mjekësor, rol të rëndësishëm ka edhe kujdesi për shëndetin mendor. Përmes aktiviteteve të tilla nxitet përfshirja sociale, ndërtohet besimi i ndërsjellë dhe përmirësohet cilësia e funksionimit të përditshëm dhe e jetës.