Punëtoria përgatitore PHV, 05–07 qershor, Solferino-Strugë

Nga 5 deri më 7 qershor, në Qendrën Solferino në Strugë, u mbajt punëtoria përgatitore PVH. Në këtë punëtori morën pjesë 22 instruktorë së bashku me vullnetarë me përvojë dhe angazhim shumëvjeçar, të cilët dhanë një kontribut të rëndësishëm në shqyrtimin dhe vlerësimin e projekteve PVH të paraqitura këtë vit.

Projektet u vlerësuan sipas kritereve të përcaktuara paraprakisht, përmes të cilave u analizuan ideja, veprimi, numri i orëve vullnetare, përfshirja dhe mobilizimi i komunitetit, promovimi i aktiviteteve, si dhe mënyra e dokumentimit të tyre.

Këtë vit u dorëzuan gjithsej 195 projekte të vogla PVH, të përgatitura nga 1.163 të rinj. Ky numër përfaqëson një rekord në dhjetë vitet e fundit. Projektet u realizuan në periudhën nga marsi deri në maj të vitit 2026.

Të gjitha projektet paraqesin frymëzim dhe krenari për të rinjtë tanë. Ata treguan edhe një herë se janë ambasadorë të vërtetë të humanizmit dhe bartës të ndryshimeve pozitive në komunitetet e tyre.

Pas përfundimit të punëtorisë, ekipi është forcuar edhe më shumë, i motivuar dhe i gatshëm për sfida të reja.