Punëtori për mbështetje psiko-sociale për pacientë onkologjikë

Qendra për shëndet mendor dhe mbështetje psiko-sociale, më datë 08.04.2026, realizoi një punëtori për mbështetje psiko-sociale për pacientë onkologjikë. Në punëtori morën pjesë aktivisht 2 pacientë onkologjikë, të cilët patën mundësinë të jenë pjesë e një mjedisi të sigurt dhe mbështetës.

Gjatë punëtorisë u zhvillua një sesion interaktiv me psikolog, ku pjesëmarrësit diskutuan hapur për ndjenjat, sfidat dhe përvojat e tyre të përditshme. Përmes aktiviteteve si vizatimi dhe shprehja kreative, pjesëmarrësit patën mundësinë të shprehin emocionet e tyre në mënyrë joverbale, gjë që kontribuoi në një kuptim dhe pranimin më të mirë të gjendjes së tyre emocionale.

Këto punëtori kanë përfitime të rëndësishme për pacientët onkologjikë, duke përfshirë uljen e stresit, ankthit dhe përmirësimin e stabilitetit emocional. Për më tepër, ato kontribuojnë në zhvillimin e mekanizmave për përballimin e sëmundjes dhe përmirësimin e cilësisë së përgjithshme të jetës.