Vizitë pune e përfaqësuesit të Kryqit të Kuq Austriak

Në periudhën nga 11 deri më 13 shkurt 2026, përfaqësuesi i Kryqit të Kuq Austriak, z. Christian Diemt, është në vizitë pune në Kryqin e Kuq të Republikës së Maqedonisë së Veriut. Vizita ka për qëllim avancimin e bashkëpunimit ndërmjet dy organizatave përmes shkëmbimit të përvojave, ndjekjes së aktiviteteve të realizuara dhe planifikimit të hapave të ardhshëm të përbashkët.

Sot u realizua një takim me Sekretarin e Përgjithshëm të Kryqit të Kuq të Republikës së Maqedonisë së Veriut, d-r Sait Saiti. Në takim u diskutua për gjendjet aktuale dhe prioritetet në punën e organizatës, si dhe për mundësitë e bashkëpunimit të mëtejmë dhe zhvillimit të iniciativave të përbashkëta.

Në kuadër të vizitës, janë paraparë takime me shërbimin profesional dhe vullnetarët e Kryqit të Kuq, me qëllim identifikimin e fushave për aktivitete të përbashkëta dhe avancimin e kapaciteteve dhe shërbimeve që u ofrohen qytetarëve.