Shënimi i Javës së Higjienës

Kryqi i Kuq i Republikës së Maqedonisë së Veriut, në periudhën nga 08 deri më 15 prill 2026, në përputhje me kalendarin e aktiviteteve tradicionale, do ta shënojë Javën e Higjienës, nën moton: “Higjiena – obligim personal për shëndet kolektiv”.

Promovimi i higjienës është pjesë thelbësore e aktiviteteve për ujë dhe sanitacion të Federatës Ndërkombëtare të Shoqatave të Kryqit të Kuq dhe Gjysmëhënës së Kuqe. Qëllimi është rritja e ndërgjegjësimit për shëndetin publik dhe parandalimin e sëmundjeve që lidhen me praktika të dobëta higjienike. Të dhënat e Organizatës Botërore të Shëndetësisë tregojnë se 1,7 milion raste vdekjesh në vit i atribuohen ujit të pasigurt, sanitacionit dhe higjienës së pamjaftueshme.

Me qëllim që së bashku të kontribuojmë në ngritjen e vetëdijes publike për rëndësinë e higjienës së rregullt dhe të duhur te popullata e re, organizatat komunale të Kryqit të Kuq dhe Kryqi i Kuq i qytetit të Shkupit do të shpërndajnë postime në rrjetet sociale dhe do të organizojnë punëtori edukative dhe ligjërata për promovimin e higjienës për fëmijë dhe mësimdhënës në kopshte dhe shkolla fillore.