U KONSTITUUA PËRBËRJA E RE E KËSHILLIT TË TË RINJVE TË KRYQIT TË KUQ TË REPUBLIKËS SË MAQEDONISË SË VERIUT

Më 10 qershor 2026 u mbajt seanca konstituive-zgjedhore e Këshillit të të Rinjve të Kryqit të Kuq të Republikës së Maqedonisë së Veriut, me ç’rast u konstituua zyrtarisht përbërja e re e udhëheqjes rinore për mandatin 2026–2028.

Në seancë morën pjesë 24 delegatë nga organizatat komunale të Kryqit të Kuq dhe Kryqi i Kuq i qytetit të Shkupit, të cilët zgjodhën përfaqësuesit që do të udhëheqin strukturën rinore të organizatës në dy vitet e ardhshme.

Për Kryetare të të Rinjve të Kryqit të Kuq të Republikës së Maqedonisë së Veriut u zgjodh Elena Kuzmanoska, ndërsa për Nënkryetar u zgjodh Emir Nesimi.

Për anëtarë të Trupit Koordinues të të Rinjve u zgjodhën:
🔹 Borçe Isakoski
🔹 Klementina Gjorgjieva
🔹 Marko Janevski
🔹 Angela Georgieva
🔹 Mihaela Petrovska

Njëkohësisht, Elena Kuzmanoska u zgjodh edhe delegate në Kuvendin e Kryqit të Kuq të Republikës së Maqedonisë së Veriut për mandatin 2026–2030.

Me këtë u formuan me sukses organet e Këshillit të të Rinjve, të cilat do të kenë një rol të rëndësishëm në zhvillimin e programit rinor, promovimin e vlerave humanitare dhe nxitjen e aktivizmit rinor në të gjithë vendin.

Përfaqësuesve të sapozgjedhur u urojmë mandat të suksesshëm, të mbushur me ide të reja, energji, përkushtim dhe ndryshime pozitive në komunitete.