Vazhdimi dhe avancimi i bashkëpunimit shumëvjeçar ndërmjet Kryqit të Kuq të RMV-së dhe Makedonski Telekom

Sot, në Kryqin e Kuq, u zhvillua një takim me drejtorin ekzekutiv të Makedonski Telekom, z. Goran Markoviq, dhe sekretarin e përgjithshëm të Kryqit të Kuq të RMV-së, z. Sait Saiti.

Gjatë takimit u diskutua për bashkëpunimin shumëvjeçar dhe të suksesshëm deri më tani, me ç’rast u shpreh mirënjohje për mbështetjen e vazhdueshme dhe marrëdhënien partneriteti të Makedonski Telekom ndaj Kryqit të Kuq dhe aktiviteteve të tij humanitare.

Njëkohësisht, u theksua gatishmëria e përbashkët për vazhdimin dhe avancimin e mëtejshëm të bashkëpunimit, me qëllim krijimin e mundësive të reja për mbështetjen e iniciativave me rëndësi për komunitetin dhe kategoritë e cenueshme të qytetarëve.

Kryqi i Kuq i RMV-së e vlerëson mbështetjen e partnerëve të tij shumëvjeçarë dhe mbetet i përkushtuar në ndërtimin e partneriteteve të forta që kontribuojnë për një botë më të mirë dhe më humane.