„Жените во црвено“

По повод 8 Март, Меѓународниот ден на жената, Црвениот крст на РСМ, под мотото „Жените во црвено“ денес организираше свечен настан во хотел „DoubleTree by Hilton“ – Скопје.  

Овој настан беше посветен на жените кои со својата хуманост, посветеност и пожртвуваност оставаат значаен придонес во заедницата со цел да ја истакнеме улогата на жените во хуманитарните активности и да оддадеме признание за нивната неуморна работа.

На настанот се доделија јубилјелни признанија на пензионирани секретари на Црвениот крст на различни нивоа во националното друштво, претставуваат значајна фигура во историјата на нашата организација. Тие не само што ја воделе организацијата  во периоди на предизвици, туку и оставиле незаборавен белег во развојот на хуманитарните иницијативи и програмите за помош на ранливите групи во општеството.

Признание доби:Емина Адеми пензиониран секретар на Црвениот крст, Невенка Христова, пензиониран секретар на општинската организација на Црвен крст Делчево, Елена Наумческа пензиониран секретар на општинската организација на Црвен крст Гостивар, Недиме Шејдоска пензиониран секретар на општинската организација на Црвен крст Кичево, Стојанка Коцева пензиониран секретар на општинската организација на Црвен крст Кочани, Анка Стојановска пензиониран секретар на општинската организација на Црвен крст Крива Паланка, Зора Ѓуровска пензиониран секретар на општинската организација на Црвен крст Ресен, Нада Кузманова, пензиониран секретар на општинската организација на Црвен крст Кратово и Тодорка Јаневска пензиониран секретар на општинската организација на Црвен крст Карпош.