Црвениот крст на РСМ со донација од 22.000 евра за подобрување на условите во Клиниката за трауматологија

Црвениот крст на Република Северна Македонија донираше 22.000 евра за поддршка на набавка на опрема за Клиниката за трауматологија во Скопје.

Со оваа донација, која вклучува болнички кревети, клима-уреди, наткасни, инвалидски колички, торзи, сталаци за инфузија, постелнина, ќебиња и друга неопходна медицинска и болничка опрема, се овозможуваат значајни подобрувања на условите за лекување и престој. Придобивки од оваа донација ќе имаат како пациентите, така и медицинскиот персонал, кој секојдневно се грижи за најтешко повредените и болни лица.

Црвениот крст на РСМ и понатаму останува доследен на својата хуманитарна мисија – да биде таму каде што е најпотребно, преку континуирана и конкретна поддршка на здравствените установи, ранливите категории граѓани и сите оние кои имаат потреба од помош.