Д-р Саит Саити учествуваше на Меѓународната конференција за институционалните и клиничките аспекти и решенија по пожарот во Кочани

Генералниот секретар на ЦКРСМ, д-р Саит Саити, учествуваше на Меѓународната конференција за институционалните и клиничките аспекти и решенија по пожарот во Кочани, каде што беше дел од панел-дискусијата на тема „Од искуство до решенија: улогата на заедницата, институциите и научените лекции“.

На панелот се дискутираше за искуствата и предизвиците со кои се соочија институциите и здравствените служби при справувањето со последиците од пожарот, како и за потребата од подобра координација и подготвеност во кризни ситуации. д-р Саити во своето обраќање ја нагласи важноста од соработка помеѓу институциите, здравствените работници и локалната заедница, како и улогата на хуманитарните организации во обезбедување навремена поддршка за погоденото население.

Тој истакна дека нашата најголема обврска денес е трагичните искуства да ги претвориме во научени лекции и конкретни подобрувања. Преку споделување знаење, преку соработка и преку заедничка посветеност можеме да изградиме поотпорни заедници и системи кои ќе бидат подготвени да помогнат кога е најпотребно.

Но, пред сè, мора да продолжиме да ја негуваме хуманоста и солидарноста – вредностите кои се во срцето на мисијата на Црвениот крст. Затоа што токму тие вредности нè потсетуваат дека и во најтешките моменти, најголемата сила на едно општество е грижата за човекот.