ДЕЛЕГАЦИЈА НА ЦРВЕНИОТ КРСТ ВО ПОСЕТА КАЈ ПРЕТСЕДАТЕЛОТ НА СОБРАНИЕТО, АФРИМ ГАШИ

Делегација на Црвениот крст на Република Северна Македонија, предводена од претседателот и генералниот секретар на Црвениот крст на РСМ, како и претставници на националните друштва на Црвениот крст, на 19 мај 2025 година оствари официјална посета кај претседателот на Собранието на Република Северна Македонија, г. Африм Гаши.

На средбата се разговараше за хуманитарната мисија и активностите на Црвениот крст во земјата, како и за можностите за унапредување на соработката меѓу двете институции. Посебен акцент беше ставен на улогата на Црвениот крст во поддршката на ранливите категории граѓани, како и на значењето на волонтерството и младинскиот ангажман.

Претседателот Гаши ја истакна важноста на работата на Црвениот крст и ја изрази својата поддршка за натамошна институционална соработка во духот на солидарноста, човековите права и хуманоста.

Посетата претставува поттик за продлабочување на партнерството помеѓу Црвениот крст и Собранието, во насока на градење посилно и посолидарно општество.