Групна поддршка на помагачи и вработени лица во Црвен крст со експресивна арт терапија

Во просториите на Црвен крст на Република Северна Македонија се оддржа групна сесија за поддршка на помагачи и вработени лица преку арт-експресивна терапија, на која учествуваа вкупно 4 лица.

Учесниците покажаа интерес за создавање простор за практична примена на различни техники. Во текот на сесијата тие споделија позитивни искуства од претходни вежби, кои самостојно ги применуваат при справување со секојдневните предизвици. Во рамки на сесијата беа реализирани вежби со синхронизирано дишење и движење со цел намалување на телесната напнатост, по што следеше работа со цртеж преку арт-експресивна техника, како метод за креативно изразување и емоционално ослободување.

Овие средби носат значајни придобивки за вработените и волонтерите, обезбедувајќи психолошка поддршка и поттикнувајќи личен развој. Воедно, тие придонесуваат за унапредување на комуникацијата и тимската соработка, ја зајакнуваат способноста за справување со стрес и нудат практични алатки за одржување баланс помеѓу професионалните и личните обврски.