Одржан регионален натпревар по прва помош на ЦКРСМ за Регион 2 за 2026 година

На 17 мај 2026 година во паркот Тоше Проески, Скопје, се одржа регионалниот натпревар по прва помош на Црвен крст на РСМ за Регион 2, каде домаќин беше Општинска организација на Црвен крст Кисела Вода. На натпреварот учествуваа  екипи од 15 ООЦК (ООЦК Битола, OOЦК Велес, OOЦК Гевгелија, OOЦК Демир Хисар, OOЦК Делчево, OOЦК Кочани, OOЦК Охрид, OOЦК Радовиш, OOЦК Св. Николе, OOЦК Струга, OOЦК Струмица, OOЦК Тетово, OOЦК Штип, OOЦК Карпош и OOЦК Кисела Вода).

За време на свечениот дел на отворањето и затворањето на натпреварот волонтерите беа поздравени од страна на Претседателот на ЦКРСМ Проф. д-р Ромел Велев, Градоначалникот на Општина Аеродром г-дин Дејан Митески и претседателот на ООЦК Кисела Вода г-дин Муамет Касами.

Регионалниот натпревар се спроведе во 2 траектории, на секоја траекторија имаше по 8 работни места од кои 5 беа работни места за прва помош и 3 од забавен карактер.

Најдобрите 5 екипи од овој регион кои покажаа најдобар резултат и ќе учествуваат на државен натпревар по прва помош за 2026 година се екипите од:

1) ООЦК Карпош – прво место

2) ООЦК Охрид – второ место

3) ООЦК Битола – трето место

4) ООЦК Штип – четврто место

5) ООЦК Кисела Вода – петто место

Во категоријата на забавни игри  и дисеминација, на првите три најдобри екипи им беа доделени и награди како мотивација за продолжување на нивниот ентузијазам и придонес во областа на првата помош.

Натпреварите по прва помош имаат важна улога во едукацијата на младите, овозможувајќи им да стекнат практични знаења, да развиваат хуманост и да ја зајакнат подготвеноста за помош во заедницата. Црвениот крст и понатаму ќе вложува во промоција на првата помош, создавајќи нови можности младите активно да учествуваат во хуманитарни и едукативни активности.