Организирање на втор регионален натпревар по прва помош за 2025 година

Црвениот крст дава посебен придонес за промоција и едукација на населението, особено на младите, во областа на првата помош. Наша мисија е да создадеме општество во кое секој граѓанин знае да реагира во итна ситуација — со знаење, самодоверба и емпатија. За младите организираме  натпревари по прва помош со цел што повеќе да ја подигнеме нивната свест и да ги унапредиме нивните знаења од областа на прва помош.

Црвениот крст на РСМ на 17 мај 2025 во училишниот двор на ООУ “ Димитар Миладинов”, Центар-Скопје ќе го организира вториот регионален натпревари по прва помош за 2025 година. Домаќин на натпреварот ќе биде ООЦК Центар. Овогодинешната тема на натпреварите по прва помош е „Прва помош во училишна средина“.

Натпреварите по прва помош не само што ги поддржуваат младите во развој на практични вештини, туку ја поттикнуваат и свеста за важноста за правилна и брза реакција при итни состојби. Црвениот крст ќе продолжи со својата мисија – да едуцира, да мотивира и да вклучува што е можно повеќе млади луѓе во нашите активности.