Работилница за изработка на дисеминациски модули

Во рамки на активностите на програмата за дисеминација и Меѓународно хуманитарно право на Црвениот крст на Република Северна Македонија, на 15 октомври 2025 година, во просториите на централната канцеларија на Црвениот крст на РСМ се одржа работилница со дисеминаторите од општински организации на Црвен крст и Црвен крст на град Скопје, со поддршка на Меѓународниот комитет на Црвен крст.

Работилницата беше посветена на изработка и адаптација на нови модули за дисеминација наменети за различни старосни групи и работни организации. Целта беше да се ажурираат и збогатат постоечките дисеминациски содржини со современи, интерактивни и практични пристапи во согласност со потребите на целните групи.

На работилницата присуствуваа дисеминатори од општински организации на Црвениот крст и од Црвениот крст на град Скопје. Учесниците активно споделија свои искуства, примери од пракса и постоечки активности што ги спроведуваат во локалните заедници.