Работилница за позиционирање на улогата на Црвениот крст за одговор и справување со климатските промени

Во периодот од 09-11.06.2025 година, Црвениот крст на Република Северна Македонија во Струга-тренинг центар Солферино, организираше работилница со тема: Позиционирање на улогата  на Црвен крст на РСМ за одговор и справување со климатските промени.

На работниот состанок присуствуваа претставници  од  ЦКРСМ, Министерство за животна средина и просторно планирање (МЖСПП), Институт за јавно здравје (ИЈЗ), Светска здравствена организација (СЗО) и Развојна програма на Обединети Нации (УНДП).

Целта на работилницата беше да се обезбедат насоки/приоритети за стратешко и системско позиционирање на улогата на Црвениот крст во одговорот на климатските промени во Северна Македонија, во тесна координација со надлежните институции и меѓународни партнери.

Од презентираните активности кои претставниците на релевантни институции и меѓународни организации ги преземаат за адаптација, одговор и  справување со климатски промени, како и од дискусиите и работата во групи беа донесени препораки за изградба на сопствен систем и вклучување на Црвен крст на РСМ во националниот институционалниот одговор за справување со климатски промени.