Работна средба на дисеминатори за Меѓународно хуманитарно право

Црвениот крст на Република Северна Македонија, со поддршка на Меѓународниот комитет на Црвениот крст, одржа работна средба на Клубот на дисеминатори за Меѓународно хуманитарно право (МХП).

На средбата, присуства дисеминатори од општинските организации на Црвениот крст и Црвениот крст на град Скопје, се разговараше за досегашните активности, предизвиците и постигнувањата во областа на дисеминацијата на МХП.

Целта на средбата беше зајакнување на мрежата на дисеминатори преку размена на искуства, евалуација на реализираните активности, како и планирање на идните активности согласно одишната програма за дисеминација и МХП за 2026 година.

Посебно внимание беше посветено на предлозите за развој на нови дисеминациски модули, прилагодени за различни старосни групи и целни заедници, вклучително и ученици, студенти, вработени лица и професионалци од различни сектори. Овие иницијативи имаат за цел да ја зголемат свесноста и разбирањето за основните принципи на Меѓународното хуманитарно право и неговата примена во секојдневниот живот.

Средбата претставува важен чекор во насока на унапредување на едукативната и информативна улога на Црвениот крст во областа на МХП, со фокус на развивање иновативни пристапи во промоцијата на хуманите вредности и заштитата на човековото достоинство.