Реализирана работилница за приоретизирање на иницијативи и изработка на акциски планови

Во периодот од 3 до 5 октомври 2025 година, во центарот за кадри и рекреации „Солферино“ – Струга, се одржа работилницата за приоретизирање на иницијативи и изработка на акциски планови, во организација на Црвениот крст на Република Северна Македонија.

На работилницата учествуваа 18 млади волонтери од 18 општински организации на Црвениот крст, кои активно придонесоа во процесот на развој и планирање на идните младински иницијативи произлезени од националниот младински камп „100 % Црвен крст“ од јули 2025 година.

Преку интерактивна работа, групни дискусии и практични сесии, учесниците:

• приоретизираа 3 иницијативи за развој на младинската работа,
• изработија акциски планови со јасно дефинирани цели, активности, временска рамка и буџет,

Работилницата претставува значаен чекор во зајакнување на младинската структура, развој на лидерски и комуникациски вештини и знаења кај волонтерите, како и во градење на капацитети за реализација на иницијативи со локално и национално значење.