Саити оствари средба со претседателката на МФЦК/ЦП, Кејт Форбс

Денеска во Загреб, Генералниот секретар на Црвениот крст на РСМ, д-р Саит Саити, оствари средба со претседателката на Меѓународната федерација на Црвен крст и Црвена полумесечина, Кејт Форбс.

На средбата се разговараше за досегашната успешна соработка, како и за идните планови и можности за понатамошно унапредување на партнерството. Двајцата соговорници ја потврдија заложбата за заедничко делување во насока на зајакнување на хуманитарните активности и поддршката на заедниците.

Претседателката Форбс ја истакна значајната улога на Црвениот крст на РСМ во рамки на Движењето, потенцирајќи го неговиот придонес како мало, но добро организирано национално друштво кое успешно одговара на хуманитарните предизвици.

Воедно, на покана на д-р Саити, претседателката Форбс најави и претстојна посета на Црвениот крст на РСМ, со цел дополнително зајакнување на соработката и поддршката на активностите на националното друштво.

Соработката со Меѓународната федерација на Црвен крст и Црвена полумесечина претставува значаен столб во развојот на капацитетите на Црвениот крст на РСМ и унапредувањето на мисијата за помош на најранливите категории граѓани.