Универзитетот во Тетово и Црвениот крст на Република Северна Македонија продолжуваат да ја чуваат и негуваат традицијата на соработка

Ректорот на Универзитетот во Тетово, проф. д-р. Јусуф Зејнели на работна средба го прими генералниот секретар на Црвениот крст во Република Северна Македонија, д-р Саит Саити. Во оваа прилика, ректорот на УТ истакна дека Универзитетот во Тетово, покрај својата образовна и научна дејност, секогаш соработувал и со други институции од нашата земја и пошироко, како и со различни локални и меѓународни организации.

Исто така, ректорот проф. д-р. Јусуф Зејнели истакна дека во Северна Македонија Црвениот крст одиграл важна улога во обезбедувањето хуманитарна помош, вклучително и дистрибуција на храна, облека, лекови и помош на погодените од природни катастрофи, како и на оние во тешки социјални услови ситуации. Тетовскиот универзитет отсекогаш одговарал на повиците на Црвениот крст во различни хуманитарни акции во минатото и секогаш ќе биде подготвен да придонесе со можностите и капацитетите што ги поседува да помогне.

Генералниот секретар на Црвениот крст, д-р Саит Саити истакна дека оваа година Црвениот крст во Република Северна Македонија одбележува јубилејна година од 80-годишнината од своето основање и ќе се спроведат низа активности за да биде повеличествен овој јубилеј. Предвидено е и организирање на дебата со претставници од двете институции, во соработка со Универзитетот во Тетово, на која се очекува да се разговара за активностите на Црвениот крст и за изразувањето на хуманоста воопшто.

Меѓу другото, ректорот на Универзитетот во Тетово, проф. д-р. Јусуф Зејнели и генералниот секретар на Црвениот крст, д-р Саит Саити разговараа и за реализација на неколку други активности во иднина, со цел вклучување на студентите во хуманитарни акции.