Жална вест

Со длабока тага ја споделуваме веста за загубата на нашиот драг колега и пријател, Глигор Новачевски.

Глигор (Гиго) беше неуморен хуманитарец, посветен работник, волонтер и вистински столб на нашата организација. Неговата пожртвуваност и љубов кон мисијата на Црвениот крст беа инспирација за сите нас. Со децении активно учество, Гиго несебично им помагаше на сите – секогаш таму каде што беше најпотребен, секогаш со отворено срце и искрена желба да направи добро.

Неговата добрина не познаваше граници. Насмевката му носеше утеха, зборовите инспирираа, а неговото присуство беше синоним за спокој и сигурност. Остави длабока и трајна трага во срцата на сите кои имаа чест да го познаваат и да работат со него.

Ќе ни недостасуваш, Гиго. Празнината што ја оставаш зад себе е огромна, но спомените за твоето дело и човечноста што ја ширеше ќе светат засекогаш.

Во овие тешки моменти, упатуваме најискрено сочувство до неговото семејство, пријателите и сите блиски.

Нека му е вечна слава.

Ти благодариме за сè.

Со почит,

Црвен крст на РСМ